「拜登賓州受重創」?Fake News CNN 被 Fake News 所害

一張題為「賓州遭重創 選情告急 罕見CNN也承認拜登已經輸了」嘅圖喺 Facebook 流傳,人人嘅重點落咗去 拜登 賓州受重創。先唔計原圖內文喺源自華文 Content Farm,單計題目上所指 CNN 承認拜登已經輸呢一點,就已經抵打。

Content Farm 都照 share,大家,Serious?

CNN始終如一撐拜登

立場偏向民主黨嘅 CNN,自選戰開始就判別 拜登 相較 有優勢,而且隨住疫情惡化同經濟問題浮現,CNN 更認為 會愈嚟愈少機會得票。截至今日,CNN最後一個全國選前調查 [1] 指有意投票選民當中,有五成四人會投俾 拜登,只有四成二人話會投俾

咁 Content Farm 係唔係真係錯曬呢?Surprise surprise,選情告急呢點又錯唔曬…同一份 CNN 選前調查同時講出另一組數字:拜登 雖然喺已提前投票同打算提前投票嘅選民當中領先三份之二,不過係表示會於投票日臨場投票嘅選民當中, 得到接近六成支持,而 最大嘅支持者來源繼續來自非高學歷,多為藍領階層嘅白人男性(侵68%對拜登30%)。

「藍領之後」反成拜登隱憂

呢一點就同 fake news 中「拜登賓州受重創」好有關。拜登 出生於賓夕法尼亞呢個工業州兼選舉傳統上嘅搖擺州,佢自己亦都喺競選過程中經常吹噓自己嘅出身,更加曾經以「Scranton vs. Park Avenue.」(工業城市史克蘭頓 vs 紐約曼哈頓公園大道)去代表自己同 嘅選戰,尤如藍領之子對抗紐約富商嘅打歌利亞巨人之戰。不過 拜登 出關係牌有冇用,呢一點就連 CNN 都唔夠膽包。

CNN 一篇針對賓夕法尼亞嘅訪問[2] 就展視 拜登 祖家嘅選民係疫情同經濟問題下,對 拜登 選戰過程中搖擺不定立場嘅不信任。而且係選舉辯論當中,拜登 被踢爆曾經反對開採頁岩油和頁岩氣用嘅水力壓裂法(fracking)技術,對於煤炭產量位居全美第二,依賴重工業經濟嘅賓夕法尼亞選民呢講,拜登 呢個所謂嘅「自己友」無疑係出賣咗江東父老。CNN 亦因此話 拜登 係呢個搖擺州隨時會有災難發生。

拜登 可能出現災難嘅選情,或者會影響選戰發展,但絕對唔代表可以立論話認輸。雖則侵成日話 CNN 係 Fake News,但係今鋪 CNN 真係躺著也中槍,呢樣多得華文 Content Farm 唔少。


[1] https://edition.cnn.com/2020/10/28/politics/cnn-poll-national-october/

[2] https://edition.cnn.com/2020/10/28/us/fracking-western-pennsylvania-election-voters/